Antes de empezar a música gardouse un minuto de silencio en recordo das vítimas do accidente ferroviario ocorrido en Santiago hai un ano e despois actuaron as bandas de música de Villaviciosa, Viveiro e Ribadeo. Para rematar o Concello, que estivo representado pola alcaldesa en funcións e concelleira de Cultura, Mari Luz Álvarez Lastra, e Amadores da Música entregaron agasallos ás bandas de Villaviciosa e Viveiro.
O presidente de Amadores da Música, José Luis Pulpeiro, destacou a numerosa presenza de público e comentou que “houbo sorte co tempo, porque puidemos celebrar o festival sen choiva, que empezou pouco despois”.