O equipo barreirense do Cadramón Lux foi o seu primeiro club, onde competiu en 1ªB e 1ªA. Posteriormente Sergio deu o salto á División de Prata co Porto Celeiro de Viveiro. O Ribamueble Ribadeo FS e a Cantina FS son outros dous equipos dos que formou parte. O Superti-A Pontenova de Primeira Nacional A foi o último conxunto de Sergio como xogador en activo.
Agora, volve ás pistas para aportar toda esa experiencia e veteranía ó novo club barreirense.
O presidente do Praias de Barreiros, Julio Rocha, foi o encargado de presentar a Sergio como novo xogador do club.
Iago Rivas Eiroá, máis coñecido no mundo deportivo como “Pitero”, será un dos porteiros do equipo barreirense.
Formado nas categorías inferiores do CD Foz ata categoría infantil e nas ED Lourenzá posteriormente, Pitero defendeu a portería do CF Celta Barreiros en Segunda Autonómica e posteriormente a do CD Foz en Primeira Rexional. Tras un pequeno parón, Pitero volve á competición para defender a meta do Praias de Barreiros CD.
O directivo Alfonso Fernández foi o encargado de darlle a benvida ó club barreirense.
Adrián Juiz convértese en novo xogador do Praias de Barreiros CD. Adrián comezou a xogar ó fútbol sala con tan só cinco anos nas Escolas Deportivas da Mariña Oriental e posteriormente nas Escolas de Barreiros.
Xa en categoría alevín deu o salto á AD Santiago de Foz onde competiu ata idade infantil. Posteriormente pasouse ó mundo do fútbol nas categorías inferiores do CD Foz ata o primeiro ano de xuvenil. Tras un breve paso polo Iberia CF e unha segunda etapa no CD Foz, Adrián ficha polo CD Burela FS onde alternou o equipo xuvenil e o sénior de Terceira División.
Ahora, tras pasar polo equipo xuvenil do Ribadeo e polo CF Celta de Barreiros, Adrián volve ó mundo do fútbol sala para defender a camiseta do Praias de Barreiros CD.
Alfonso Fernández foi o encargado de presentar a Adrián Juiz como novo xogador do club barreirense.