Os concelleiros de Medio Ambiente e Turismo, Horacio Cupeiro e Ana Martinez, foron os encargados de presidir a recepción que o Concello lles ofreceu este xoves aos astrónomos, físicos, matemáticos e informáticos que participan nas XIV Xornadas de Traballo en Mecánica Celeste que se desenvolven ata este venres en Ribadeo. Están organizadas polo observatorio astronómico Ramón María Aller, en colaboración coa Universidade de Santiago e o Concello de Ribadeo.
