O alcalde, Alfonso Villares, a edil de Cultura, Begoña Alonso, e os membros do Bordelo Mari Paz Rodríguez e José Manuel González “Copa” presentaron hoxe o cartel destas xornadas culturais que reúnen a 8 grupos, colectivos e persoas que ofrecerán diferentes espectáculos, chegados de varios puntos da Mariña e de Asturias, sen esquecer aos anfitrións de Cervo.
As xornadas comezarán mañá coa maxia do Mago Jorge e o grupo de teatro “A Adala” de Fazouro, que representará a obra “Sen seu amor”, unha peza creada e dirixida por Francisco Piñeiro, autor e director tamén do Bordelo. O venres día 1 de agosto será a quenda de Cándido Paleo, a Voz do Valadouro, e do grupo de teatro “El Cioyo” de Castropol que porán en escena “A defunta e outras herbas”, de José Ramón Oliva e dirixida por Eligio Lombardero.
O sábado J.M. Ferreiro ofrecerá un recital poético e a continuación o grupo de teatro “La Capacha” de Xixón interpretará “Arizona”, orixinal de Juan Carlos Rubio e dirixida por José Luis Fernández. A última xornada, o domingo día 3, comezará coa Escencia da Música, cos ex compoñentes da Orquestra Maseda do Valadouro, seguida da obra “A fonte dos soños” do Bordelo, creada e dirixida por Francisco Piñeiro.
Todas as xornadas comezarán as 21:30 h. e terán lugar na praza do Souto de Cervo. A edil de Cultura asegura que “desde el Concello consideramos muy importante apoyar la cultura en sus diferentes representaciones, y más en este caso, de unas jornadas con una larga tradición y con mucho éxito de participación”. Alonso agradécelle ao Bordelo “el gran trabajo y esfuerzo que hacen cada año para reunir a grupos y artistas con talento para que vecinos y visitantes podamos asistir a espectáculos al aire libre”.