A AC O Pasatempo colabora este ano cos “Mercados de Verán” que se celebran nos meses de xullo e agosto en Mondoñedo, e máis concretamente nos “Xoves con Xeito”. Os xoves 17, 24 e 31 de Xullo e 7 e 14 de Agosto, haberá cine ó aire libre na Praza do Concello ás 21:45h coas proxeccións de “Calquer día en Mondoñedo…”, unha serie de vídeos recopilados desde os anos 80 nos que se mostran a vida da cidade desde aquela época ata hoxe en día. “Un auténtico arquivo en imaxes para disfrutar e recordar o pasado, tanto para mindonienses como para visitantes”, cren dende a asociación. A outra parte dos “Mercados de Verán” son os “Domingos frescos” cando a Praza da Catedral acolle un mercado de produtos locais de tempada con radio en directo e demostración de oficios na rúa.