En palabras de Ballester, “mañá faremos un concerto rematando este agosto musical da Banda Municipal de Música de Ribadeo, que comezou co concerto de percusión e continuou co de vento- madeira e máis o de vento metal. Agora reunímonos todos para facer este concerto especial que será de música de cine, baseado todo en bandas sonoras”.
O director da Banda ribadense engadiu que “son bandas sonoras variadas, tanto de películas de animación para nenos como películas para xente máis maior e de tódalas xeracións. Todas as interpretacións irán acompañadas da proxección de imaxes das bandas sonoras que imos a tocar”. Ballester resaltou que “como novidade, esta vez faremos o concerto no Parque San Francisco, onde o templete. Esperamos que toda a xente de Ribadeo, e incluso a que non sexa de Ribadeo, se acerque alí e poida gozar deste acompañamento de música e imaxes que ofreceremos.”