A comisión acordou por unanimidade remitirlle a contestación, que se adxunta, ao borrador de convenio de colaboración enviado no seu día pola Consellería de Traballo e Benestar. O alcalde, Fernando Suárez, acaba de asegurar que “aínda que tarde, aceptamos o seu ofrecemento, pero nesta contestación indicámoslles unha serie de cousas que deben corrixir, porque si se fixesen tal e como propoñen serían ilegais”.
A comisión confía en que “corrixan as cuestións que lles propoñemos e que en breve nos chamen para asinar o convenio de colaboración entre a Xunta e o Concello”.
Suárez Barcia lembrou que o orzamento definitivo de construción da residencia de maiores de Ribadeo e o seu equipamento supera os 2.500.000 euros.