O alcalde de Burela, José Mª González Barcia, e o concelleiro José Casas, mantiveron este sábado un encontro cos representantes da Federación francesa de Fútbol Sala, que estes días visitan a vila. “Están aquí co obxectivo de coñecer a organización dun club de fútbol sala, as relacións institucionais, o arraigo que ten entre a poboación, etc”, dixo González Barcia. O rexedor engadiu que “o fútbol sala en Francia está en fase de desenvolvemento”. A xuntanza tivo lugar tras o acto de clausura do campus de ximnasia rítmica da Fundación INDECUM, que estes días se celebrou en Burela.
