O pregón inaugural correu a cargo do escritor e xornalista Martín Fernández Vizoso, natural de Cangas de Foz. No acto participaron tamén o alcalde de Foz, Javier Jorge Castiñeira, e a coordinadora xeral das feiras do libro da Federación de Librarías de Galicia, Nani Regueira Rodríguez.
A feira está aberta ao público en horario de 5 e media da tarde a 10 da noite. Durante as tres xornadas que restan haberá diferentes actividades: presentacións de libros, firmas de publicacións por parte dos seus autores, contacontos e un concurso infantil de debuxo. Ademais o domingo, día da clausura, ás 7 e media da tarde a Banda Municipal de Música de Foz ofrecerá un concerto.