A feira estará aberta ao público os catro días en horario de 5 e media da tarde a 10 da noite. Será inaugurada o xoves ás 19 horas cun acto no que haberá intervencións institucionais, o pregón a cargo do escritor e xornalista Martín Fernández Vizoso e unha actuación da agrupación folclórica A Subela.
Durante as catro xornadas haberá diferentes actividades: presentacións de libros, firmas de publicacións por parte dos seus autores, contacontos e un concurso infantil de debuxo. Ademais o domingo, día da clausura, ás 7 e media da tarde a Banda Municipal de Música de Foz ofrecerá un concerto.