Dende hai unha ducia de anos que os políticos cubríronse de groria coa agresión ó mais valioso e sensible espacio natural, instalando a depuradora na ría e o entorno do porto de Foz,converteron a vila en lugar de permanentes e noxentos cheiros que deterioran moi gravemente o medio, producindo os efectos mais incongruentes co que debe ser obxetivo irrenunciable das xentes do concello, gobernantes e oposicións.Poucos días hai, un forasteiro que pasaba pola rúa Concepción Arenal, ante o abafante cheirume que detectaban as pituitarias, preguntou a unha veciña se naquel entorno – entre a Casa da Cultura e a Gardería Infantil -existían piaras de porcos ceibes: Cando soubo a verdade o home só preguntou: “¿e a veciñanza tolera esta cochambre…?”
¿Cal será o futuro da depuradora?. Partidos na Corporación, en patéticas incongruencias, trocan a estratexia; desdícense do dito, e algúns defenden, ampliada a súa capacidade, a permanencia na ría, para que, supoñemos, a eventualidade dun incidente na mesma, resulte contundente . O inxenio popular, que non falta, á vista dos efectos evidentes, ten definidos os ultimos 20 anos da xestión municipal, como “a era dos políticos da merda” ; e non se trata, precisamente, dunha incongruencia. ..Penoso!