Un mercado que inclúe postos de venda así como numerosas actividades de animación ao longo da fin de semana, entre as que destaca o conxuro da Queimada o venres ás 22:30 h. ou o desembarco viquingo o sábado ás 20 h. Ademais, cabe resaltar a exposición de cetrería, réptiles e animais curiosos, que estará aberta os tres días, así como exhibicións, con dous pases por día, un ás 12:30 e outro ás 19:30 h. Ademais, de forma específica para os nenos e nenas ofrecerase o recuncho infantil, onde poderán practicar xogos tradicionais.
Como toque gastronómico, os bares organizadores, “El Puerto” e “El Pedregal”, prepararán menús especiais inspirados na temática viquinga que se servirán ao longo da fin de semana. Un mercado no que colabora o Concello de Cervo así como o Club Náutico “Amigos del Mar”, Portos de Galicia e Rodabell.
En canto ao horario de apertura do mercado, será o venres a partir das 17:30 h. e sábado e domingo de 11 a 14:30 e de 17:30 a 23 h.
Soto destaca a grande oferta de actividades e espectáculos programados, “que encherán de animación a zona do porto de San Cibrao e converterán esta cita festiva nun mercado atractivo e con multitude de opcións para o tempo libre”.