Desde Gaia sinalan que “os sendeiros azuis son itinerarios e elementos paisaxísticos que enlazan as praias e os portos con bandeira azul e contribúen positivamente ao uso sostible do litoral”. As monitoras subliñan que “os sendeiros azuis desempeñan unha función social moi importante, xa que constitúen excelentes lugares para o disfrute da natureza e tamén coma elementos vertebradores para o desenvolvemento, saúde e benestar do conxunto da sociedade”. Por este motivo as monitoras de Gaia organizan rutas polo litoral burelés facendo que os asistentes gocen dunha actividade ao aire libre.
Os usuarios e usuarias da asociación Camiña aproveitaron esta saída para facer unha parada e realizar unha actividade a pé de praia.