Site icon Crónica3.com A Mariña

A xovense Maricarmen Roca, subcampioa de España de bolos

maricarmen-subcampionatoO Campionato de España de bolos 2014 desenvolveuse entre o 6 e o 7 de setembro na localidade asturiana de Tineo coa participación de xogadoras das dúas principais federacións: Asturias e Galicia.

Por parte do Club de Bolos Xove desprazáronse a este campionato dúas xogadoras, Dolores Baño e Maricarmen Roca que conseguiría proclamarse subcampioa de España despois de quedar por diante de dúas grandes favoritas na primeira fase clasificatoria: Blanca Lago e Laura Legaspi, campioas dos anos 2012 e 2013, respectivamente.

maricarmen-bolosXa en semifinais, Maricarmen conseguiu gañarlle a Ana Canto do Club de Bolos O Cadaval de Castro de Rei, plantándose na gran final. Na outra semifinal Blanca Lago, do Club de Bolos Estivada do Val Miñor, venceu a Laura Legaspi, de O Cadaval.

Finalmente, a pontevedresa impúxose á mariñá, a pesar de que esta última comezara gañando.

Con todo, dende o Club de Bolos Xove destacan o subcampionato desta xovense e “o fenomenal papel realizado polas xogadoras da provincia de Lugo, xa que nos 4 primeiros postos conseguiron meterse 3 xogadoras”, segundo explica Ginés Rodríguez.

Exit mobile version