O Colexio de Aparelladores, Arquitectos técnicos e Enxeñeiros de edificación de Lugo organiza unha Charla – Coloquio sobre “Proxectos de Actividade e a súa Tramitación Administrativa” (adaptado á Lei 9/2013, de 19 de decembro, do emprendemento e da competitividade economica de Galicia) o próximo venres 12 de setembro ás 19.00 horas no Centro de Interpretación da Mariña (CENIMA) en Foz.
O programa da charla recolle os seguintes temas:
1. Unificación reguladora de obras e actividades
2. Cambio de paradigma
3. Actividades: inocuas, incidencia ambiental e recreativas e de espectáculos públicos
4. CP de obras
5. Obras maiores vs. obras menores
6. Regulación do réxime sancionador para as actividades
7. Creción das entidades de certificación de conformidade municipal
8. Desenvolvemento regulamentario
9. “Dereito transitorio”
10. Reflexións finais
11. Preguntas
Os relatores serán Fátima López, arquitecto técnico, funcionaria do departamento de urbanismo do Concello de Sarria e Alberto Pensado, Licenciado en Dereito e Ciencias Políticas, funcionario do departamento urbanístico do Concello de Lalín.
Dende o Colexio destacan o interese da xornada e o feito de que “se celebre aquí na Mariña co propósito de poder acercar as nosas actividades e servizos á zona da costa, onde somos máis de 50 colexiados”.
Reunión mensual da Xunta de Goberno do Colexio
Previamente á celebración desta xornada,e como símbolo de achegamento ós seus colexiados, o Colexio celebrará a súa reunión mensual da Xunta de Goberno, nas mesmas instalacións do CENIMA.