O deportista mariñán chega á capital polaca despois de catro intensas semanas no Centro Nacional de adestramento en altura de Font Romeu (Francia), e a última de axuste e readaptación no CAR de Sant Cugat.
Rodríguez, que competirá a fin de semana, representará a España na modalidade individual e na de relevos para as que conquistou o seu pasaporte no pasado Campionato de Europa celebrado en Hungría. Despois das duras cargas de adestramento en altura, Rodríguez confia na súa nova forma física con máis músculo e menos graxa.
Neste Mundial daranse cita máis de 35 países, desde Rusia pasando pola representación chinesa e coreana asi coma o resto de potencias europeas e americanas. É, pois, un gran test cara á próxima temporada.