Burela, 20 de setembro de 2014. A Concellería de Servizos Sociais, Muller, Igualdade e Sanidade organiza un curso de bailes de salón que se desenvolverá de outubro a decembro, no edificio da praza de abastos. Será os martes de 20:30 a 21:45 e o número de prazas é de 20. A inscrición estará aberta do 24 de setembro ao 2 de outubro na Casa do Concello de oito da mañá a tres da tarde.
Diana Durán explica que “desde a Concellería de Servizos Sociais, Muller, Igualdade e Sanidade de Burela ademais de todas as activades programadas para colectivos específicos, como poden ser os/as nosos/as maiores, mulleres, etc, tamén queremos chegar ata a poboación en xeral ofertando actividades de tempo libre”.
A edil popular sinala que “a nosa pretensión é poder aportarlle aos nosos veciños e veciñas unha actividade lúdica que rompa coa rutina diaria. Estamos satisfeito de poder ofertar esta actividade e agardamos que sexa do agrado da xente”.
O curso de bailes de salón iniciarase o 7 de outubro.