O Grupo de Teatro Xuvenil “A Maseira” de Alfoz e O Valadouro vén de estrear este pasado domingo, día 31 de agosto, a súa nova obra, titulada “Os anxos do apocalipse”. A estrea tivo lugar como inauguración da Semana do Teatro do Valadouro e levouse a cabo no Salón de Actos da Casa da Cultura “Manuel Lourenzo” de Ferreira do Valadouro. Participaron un total de 9 actores: Daniel Rejes, Claudia Pena, Rocío Sixto, Sabela Quirós, Lara Fanego, Leni Níñez, Cristina Trigo, Zaira Fernández e Andrea Geada.
