Ribadeo, 4 de setembro de 2014. A Concellaría de Medio Ambiente de Ribadeo anunciou este xoves que realizará unha campaña de recollida de plásticos agrícolas e silos no municipio. Será os vindeiros días 15, 16 e 17 de setembro e a recollida farase porta a porta por todas as parroquias do concello. Os interesados poderán consultar a información detallada a través dun bando informativo que será publicado nos vindeiros días.
A recollida iniciarase a partir do mediodía do 15 de setembro e estenderase ata o día 17. O Concello espera recoller nestes tres días o maior número de plásticos agrícolas posibles, para logo proceder á súa correcta reciclaxe de maneira sostible. Os traballos de recollida levaranse a cabo porta a porta por todas as parroquias do municipio. Os veciños poderán entregar tanto material plástico como restos de silos que lles resulten inservibles.
O concelleiro de Medio Ambiente de Ribadeo, Horacio Cupeiro, sinalou que “dende o Concello agradecemos aos veciños que teñan os plásticos preparados para pasar a recollelos nos días fixados. Recordámoslles que non os metan en big-bags, que os agrupen si, pero nada máis, xa que así nos axilizan as tarefas de recollida e fan que todo o traballo vaia máis rápido”.