O Concello de Foz, xunto ca asociación Os Sendeiros, percorreu este domingo 14 de setembro algo máis de 20 quilómetros do chamado Camiño do Mar no tramo corrspondente a este municipio. A saída tivo lugar na praia da Areoura e o remate na praia dos Fondas. Un total de 50 persoas participaron nesta fermosa ruta costeira chea de praias e acantilados. O Concello de Foz ofreceu uns aperitivos ó seu remate. Agora, Os Sendeiros preparan xa o Gran Encontro do río Ouro e praias de Foz que se desenvolverá o vindeiro sábado 20 de setembro.
