O salón de actos do Concello de Xove acolleu este mércores a presentación da temporada 2014-15 a partir das 20.00 horas coa presenza do alcalde de Xove, Demetrio Salgueiro, a directiva do Club Natación Xove e numerosos socios e nadadores. A presidenta, Mª Jesús Díaz, aproveitou para facer un repaso dos logros da temporada pasada así coma dos obxetivos desta que empeza. Tamén apelou á importancia da implicación ds socios para a mellor marcha do club e deu a noticia de que o nadador do club, Juanma Ferro, foi nominado polo diario El Progreso de Lugo, á X edicción dos PREMIOS EL PROGRESO AL DEPORTE LUCENSE na categoría de natación.
