Boa acollida tivo en Barreiros a campaña de información sobre a reciclaxe de Sogama Separemos ben. Reciclaremos mellor, que o sábado pola tarde estivo presente na praza do Concello. O concelleiro de Medio Ambiente, José Manuel Gómez Puente, sinalou que “foi un éxito, xa que tivo unha boa acollida por parte dos veciños e das veciñas de Barreiros”. Na aula móbil repartíuse información con consellos para concienciar á poboación sobre a necesidade de reciclar o lixo que se xenera nos fogares.
