“Queremos coñecer as inquedanzas dos nosos veciños co obxecto de poder darlles resposta dende a alcaldía”, explicou Cabo; quen reincidiu en que o PP da Pontenova xunto a formación xuvenil que lidera “teñen que ser o partido da xente”.
Álvaro Cabo, que asume este compromiso con só 22 anos, afiliouse ao PP xa dende o ano 2009 e agora pasa a formar parte activa a través do seu cargo de presidente en NN.XX.
O mozo popular, estudante de Ciencias Empresariais, estará acompañado na executiva por Andrés Regodeseves (secretario xeral) e Mónica Uría (vogal).
Respaldo de NN.XX. e do PP
No congreso celebrado esta mañá, estiveron presentes representantes de Novas Xeracións na provincia de Lugo; entre eles, o seu presidente; Daniel Vega, xunto co secretario xeral, Fernando Carreiras, -tamén presidente da Mesa do Congreso-; o coordinador comarcal, Roberto Fernández; así coma o secretario de presidencia, Alberto Fernández.
Dende o Partido Popular, acompañaron a Cabo a voceira do PP na Deputación de Lugo e vicesecretaria provincial do Partido Popular, Elena Candia; a delegada territorial, Raquel Arias, e o presidente do Partido Popular da Pontenova, David Jorge García.
Clausura do congreso
Durante a clausura do congreso, o presidente de Novas Xeracións, Daniel Vega, invitou a Cabo a traballar para que os veciños “saiban que o PP é o partido de referencia”. Así, citou tres adxectivos para referirse á política: honradez, traballo e dedicación aos cidadáns. Neste senso, concluíu engadindo que “non podemos apostar por profetas que o único que queren e encandilar con mensaxes utópicas á cidadanía”.
Pola súa banda, a voceira do PP na Deputación e vicesecretaria provincial do Partido Popular, Elena Candia, trasladou a Cabo e a Novas Xeracións o apoio do partido e resaltou o importante exercicio de responsabilidade e valentía posto de manifesto polo mozo popular ao asumir a presidencia de Novas Xeracións na Pontenova e comprometerse, deste xeito, co proxecto de partido.