Para facilitar esta tarefa, o Concello entregou nos dous colexios os impresos para facerse socios, de forma que só terán que cubrilos e levalos á Biblioteca Pública xunto cunha fotografía tamaño carné.
Pero ademais, o Concello repartiu entre todos os escolares de infantil e primaria un libro sobre as aventuras dos Bolechas cunha edición especial ambientada na Mariña Lucense. Unha historia que transcorre en diferentes puntos emblemáticos da comarca, como é o caso da fábrica de cerámica de Sargadelos, ou San Ciprián, onde se atopan coa Maruxaina. Desta forma, a administración local pretende fomentar a lectura a través dun conto entretido e no que poden recoñecer lugares da nosa zona, promocionando ao mesmo tempo a nosa comarca.
A edil de Cultura, Begoña Alonso e a de Educación, Pilar Armada, fixeron entrega dos libros aos escolares dos centros de infantil e primaria de Cervo e San Ciprián xunto con representantes das ANPAS e do profesorado nun día “para dar a conocer nuestra Biblioteca, donde tenemos más de 3.000 títulos entre los que escoger y, en consecuencia, fomentar la lectura desde edades muy tempranas” explica Alonso.
A edil tamén lembra que ser socio da biblioteca ten moitas vantaxes, como poder levar os libros en préstamo e lelos na casa de forma gratuíta. Armada, pola súa banda, destaca a importancia de celebrar este día “porque serve para poñer o foco sobre as bibliotecas, os libros, a cultura e a educación en xeral”.