Dende a Concellería de Cultura informan de que este espectáculo ten coma argumento central a historia dun contacontos que se chamaba Pablísimo e é, ademais de contacontos, monicrequeiro, actor, profesor, paiaso e un largo etcétera. Antes de dedicarse a contar contos, Pablísimo viaxou por distintos países do mundo, ata aprender a actuar con todo tipo de cousas curiosas e estrañas que ninguén usa. Cousas que nin el sabe para que serven, pero que sempre garda porque para el todo é útil á hora de contar contos.
Contos de Sobremesa mestura a técnica do contacontos co teatro, deixando que o obxectivo central deste espectáculo de animación sexa atraer aos máis novos cara á lectura.