O mariñán liderou o Equipo do Sala de Armas de Monjuitc logo de que o volera fichar e contar con el para esta tempada. Malia que se atopa desde mediados de setembro adestrando no “CAR de MADRID”, “a distancia non é un problema”, segundo explicou o mestre do SAM; xa que “o equipo é forte, enténdense e están moi compenetrados”. Rodríguez forma equipo cos cataláns Marius Alvarado, Nacho Amiguet, Guifré Ballesté e Guillaume Lanteri.
A competición daba comezo ás catro da tarde do sábado e o “SAM”, tras un pequeno descoido, puido solucionar o tenteo nas tiradas con dous combates a favor e un en contra empatando no primeiro posto da táboa con Sala de Armas Europeo de Madrid e o Club de Esgrima de Pozuelo. Rodríguez mostrábase “satisfeito co inicio de tempada, pero non se pode un relaxar, é necesario continuar competendo coa máxima intensidade”.