Burela, 2 de outubro de 2014. A sala de arte da Casa da Cultura de Burela acollerá dende mañá, venres unha exposición do Colectivo Fotográfico Imaxe con fotos realizadas polos seus socios. Anunciouno este xoves a Delegación Municipal de Cultura. É a 22ª edición desta mostra, que nesta ocasión está formada por 32 imaxes de Burela e doutros lugares da Mariña lucense. A exposición, que será inaugurada este venres ás 11 horas, estará aberta ao público ata o día 31 deste mes. Poderá visitarse de luns a venres de 10 a 13 horas e de 17 a 20 horas.