Burela, 20 de outubro de 2014.- A comunidade caboverdiana de Burela celebrou onte a festa da Virxe do Navegantes cunha misa, seguida de procesión, e cun xantar de confraternidade na praza de abastos. Na xornada participaron membros da comunidade caboverdiana de Zaragoza, coa que a de Burela mantén un estreita relación. Aos actos relixiosos de onte acudiron a concelleira de Igualdade, Diana Durán, e o alcalde, José Mª González Barcia. Por certo, a imaxe da Virxe dos Navegantes que hai na igreza de Burela fíxose en Cabo Verde.
