O representante da Xunta de Galicia deu a coñecer que no caso do municipio de Lourenzá as subvencións son do 50 por cento do investimento que se faga en plantacións de coníferas, frondosas, castiñeiros e eucaliptos con quendas de polo menos 25 anos para realizar rareos, podas, trituración de restos de biomasa e outros traballos. As axudas están dirixidas a sociedades de fomento forestal, comunidades de montes, montes de varas e particulares que teñan unha hectárea de terreo como mínimo.
Ramón Rozadillas tamén explicou a importancia da silvicultura para mellorar a rendibilidade das plantacións forestais e animou aos propietarios a unirse para facer unha xestión conxunta dos montes a través de sociedades de fomento forestal, porque no concello de Lourenzá hai moito minifundismo.
En Lourenzá está o primeiro monte de varas constituído despois da entrada en vigor do nova lei de montes de Galicia.