A situación do Hospital da Costa foi tratada nun debate político gravado este mércores 15 de outubro para o programa ‘Parolando’ que Radio Burela emitirá no 107.7 da FM este xoves 16 a partir das 20.30 horas. No debate participaron por parte do PP o Alcalde de Burela, José María González Barcia, e a concelleira de Mondoñedo Elena Candia; por parte do PSOE estiveron Alfredo Llano, anterior Alcalde de Burela, e o ex deputado Ismael Rego; finalmente, por parte do BNG, estiveron a súa portavoz, Ana Ermida, concelleira en Barreiros, e Antón Veiga, Vicepresidente Primeiro da Deputación Provincial.
