A Asociación de Sendeirismo Terras de Lourenzá, aínda coa resaca da ruta de O Courel, xa ten en marcha a vindeira ruta do mes de novembro, desta vez a Outeiro de Rei, visitarán o Miradoiro da Terra Cha, unha ruta duns doce km e medio e de dificultade baixa. Desta volta acompañaranos a Asociación Pasada das Cabras, de Burela. Sairase ás 09.00 horas do Cantón de Lourenzá e terá un coste de 15 € para os socios e de 20 € para os non socios. Ao rematar a ruta comerase no Restaurante González. A data límite para apuntarse será o vindeiro xoves 6 de novembro ás 14 horas nos teléfonos 982 121006 (Pepe), 658 097133 (Miguel) ou no correo electrónico terrasdelourenza@gmail.com.