Este sábado 8 de novembro continuando co ciclo teatral “Outono de Teatro” de Alfoz, o grupo Axóuxeres de Vilaronte representou na Casa da Cultura de Alfoz a súa obra “Descontrol hospitalario”. Preto de hora e media de diversión arredor das falcatruadas dun grupo de sanitarios abraiados polos recortes. O Salón de Actos de Alfoz estivo a piques de encherse de público. O ciclo “Outono de Teatro” rematará o vindeiro sábado, día 15, no que o grupo Ollomao de Barreiros representará a súa obra “Oé, oé, oé!!!”.
