Tarde invernal e infernal, con choivas contínuas toda a tarde sen dar ningún tipo de respiro. Campo encharcado, tremendamente resbaladizo, que fixo que os xogadores tiraran con moitas precaucións, o cal se notou nuns tanteos moi baixos; ademáis a abundante auga dificultou o rodar das bolas e bolos.
Liga Sénior Masculina
Poucas variacións na cabeza desta Liga, que sigue encabezada por Arturo Vigo, quen grazas á súa victoria amplía a súa vantaxe respecto dos seus perseguidores. J. Rafel aguanta o tipo cos 10 puntos obtidos nesta tirada; Sócrates continúa 3º, e ao cuarto posto accede Moisé Rodríguez, en detrimento de Francisco Pérez, quen só conseguiu un punto. A piques de finalizar a primeira volta, a tónica dominante é a igualdade na cabeza; iso sí, que non se descuiden, xa que Arturo Vigo correu carreirilla, e con dous 1º e dous 2º postos nas últimas catro tiradas debe ser o xogador a vixiar, tendo en conta ademáis a calidade que atesoura.
Salientar tamén, pola gran campaña que están a facer, a Moisés Rodríguez e Francisco Rodríguez, que neste intre son os dous únicos xogadores que puntuaron en tódalas tiradas, ousexa, están xogando cunha gran regularidade.
Liga Sénior Feminina
Máis apretada inda a clasificación nesta Liga despois desta tirada. A debutante Salomé Cardoso consigue recortarlle varios puntos á líder Carmen Roca e ao mesmo tempo colócase segunda, en detrimento de Belén Meitín.
A falla dunha tirada para rematar a primeira volta, parece moi claro que estas tres xogadoras vanse disputar o podium final; Carmen Roca e Belén Meitín xa saben o que é gañar esta Liga; a debutante e xove Salomé Cardoso, vencedora en dúas ocasións da Liga Sub 18, pretende dar a sorpresa nesta súa primeira tempada na Liga Senior. O rodaxe que lle falta a Salomé nesta categoría, súpleo cunha gran ambición e un tesón encomiable. Por detrais un grupo de xogadoras que se pelexarán polos dous postos finais con premio que quedan, ousexa, polo 4º e o 5º.
Liga Sub 16
Miguel López logrou romper a hexemonía que estaba impoñendo Daniel Alonso, conseguindo unha importante vitoria que lle permite, por unha banda, recortar puntos e, por outra, tomar alento e recuperar moral con respecto ao líder; agora xa sabe que Daniel non é invencible, e que lle pode gañar.
Dende a organización deste Campionato Municipal alegrémonos moito de ter xoves coma Daniel e Miguel, que se siguen con esta progresión van dar moito que falar neste deporte nos vindeiros anos. E por detrais deles, rapaces e rapazas como Hugo Pérez, Lara Rodríguez, Javier Alonso, etc., que neste intre estanse a formar, aprendendo día a día as bases e fundamentos desta tan querida nosa especialidade deportiva. Os 11 nenos/as inscritos nesta última tirada fálanos de que hai futuro neste deporte.
A vindeira tirada, última da primeira fase, vaise celebrar no campo do Centro Social de SUMOAS, ESTE SÁBADO, 29 DE NOVEMBRO DE 2014.
| CAMPIONATO DE BOLOS DE CENTRO SOCIAL DE MORÁS (22 NOVEMBRO DE 2014) 34 INSCRITOS: 15 NA LIGA SENIOR, 11 NA LIGA SUB 16 E 8 NA LIGA FEMININA | |||
| CLASIFICACION | NOME | TANTOS | PUNTOS |
| LIGA SENIOR | |||
| PRIMEIRO | ARTURO VIGO CASABELLA | 233 | 12 |
| SEGUNDO | JOSÉ RAFAEL GONZÁLEZ BERMÚDEZ | 226 | 10 |
| TERCEIRO | JOSE VIGO LAGE | 223 | 8 |
| CUARTO | JOSÉ MANUEL COCIÑA RIVERA | 222 | 7 |
| QUINTO | MOISÉS RODRÍGUEZ CASABELLA | 204 | 6 |
| SEXTO | SÓCRATES CAMPO SUÁREZ | 195 | 5 |
| SÉTIMO | JOSÉ ANTONIO RODRÍGUEZ GALDO | 195 | 4 |
| OITAVO | ARTURO RODRÍGUEZ ÁLVAREZ | 154 | 3 |
| NOVENO | LUIS RANCAÑO BOUSO | 143 | 2 |
| DÉCIMO | FRANCISCO PÉREZ GONZÁLEZ | 120 | 1 |
| MELLOR BOLADA | ARTURO VIGO CASABELLA | 85 | 1 |
| LIGA SUB 16 | |||
| PRMEIRO | MIGUEL LÓPEZ FORMOSO | 160 | 6 |
| SEGUNDO | DANIEL ALONSO LÓPEZ | 132 | 4 |
| TERCEIRO | HUGO PÉREZ MEITÍN | 65 | 3 |
| CUARTO | RAQUEL COCIÑA PIÑEIRO | 60 | 2 |
| QUINTO | JULI A LÓPEZ FORMOSO | 59 | 1 |
| MELLOR BOLADA | MIGUEL LÓPEZ FORMOSO | 62 | 1 |
| LIGA FEMININA | |||
| PRMEIRO | SALOMÉ CARDOSO RODRÍGUEZ | 134 | 6 |
| SEGUNDO | CARMEN ROCA CORRAL | 112 | 4 |
| TERCEIRO | BELÉN MEITÍN ROUCO | 92 | 3 |
| CUARTO | DOLORES BAÑO FRAGA | 69 | 2 |
| QUINTO | CONCEPCIÓN PIÑEIRO LÓPEZ | 40 | 1 |
| MELLOR BOLADA | SALOMÉ CARDOSO RODRÍGUEZ | 62 | 1 |