Son moitos os saberes que hoxe en día disfrutamos e que se foron transmitindo de xeración en xeración grazas a relatos, refráns, cantos, lendas, fábulas, mitos ou contos. Nestes últimos centramos a nosa celebración e, desde o EQUIPO DE BIBLIOTECA do centro, organizamos unha sesión de “Contacontos” para o alumnado de infantil e do primeiro ciclo de primaria. Os máis pequenos do Colexio disfrutaron de varios contos que chegaron ata nós grazas ao saber dos nosos avós e para que eles mesmos sexan, nun futuro, quen continúe esta transmisión de coñecementos.