Desde a Xunta Directiva local afirman que “as reunións están sendo mui positivas, con asistencia de veciños por riba do habitual, e con interese dos asistentes en cuestións tan importantes coma a ampliación do Hospital, o acceso ó porto ou a incidencia do Plan Xeral de Ordenación na contribución urbana”.
Asimismo, os asuntos máis próximos e directos, que afectan directamente ós barrios, centran o interés da cidadanía: “é algo totalmente lóxico e natural, indican desde o goberno local, ainda que os veciños saben que procuramos que as cousas do día a día se resolvan con celeridade e non se eternicen”.
Os populares manifestaron que “nestas reunións estamos explicando a nosa xestión e escoitando suxerencias e críticas; en todo caso, as reunións son en positivo, escapando en todo momento de referencias a outras siglas e centrándonos exclusivamente na nosa faceta de goberno municipal por un lado, e de partido históricamente máis votado por outro”.
Nos próximos días celebrarase a sexta e derradeira reunión desta ronda, no barrio do Porto, día e local por concretar.