Porén, os populares instarán ao presidente da Deputación Provincial de Lugo, José Ramón Gómez Besteiro, a dar resposta ás preguntas formuladas polos grupos políticos da Corporación Provincial en relación coas investigacións xudiciais que se están a desenvolver en torno á Deputación de Lugo e que deron como resultado a intervención e rexistro das súas dependencias.
O grupo provincial popular, a través da súa voceira, Elena Candia, rexistraron esta mañá a solicitude dun pleno extraordinario, posto que consideraron a comparecencia de Besteiro de “paripé” e “dun monólogo”, no que non deu ningún tipo de explicacións e simplemente se limitou a escudarse no Regulamento e no segredo sumarial para calar a oposición.
O PP respeta, como non podía ser doutra maneira, o segredo sumarial, pero matiza que esto non xustifica que Gómez Besteiro lle impedise defender a moción de urxencia e formular a preguntas e valoracións correspondentes.
O grupo provincial popular considera que este veto conleva oscurantismo por parte de Gómez Besteiro, algo que lles preocupa e os leva a seguir pedindo explicacións.