Ribadeo, 27 de novembro de 2014.- O presidente do PP de Ribadeo, Jesús López Penabad, anunciou este xoves que a formación política inicia unha ronda de xuntanzas para informar do Plan Xeral de Ordenación Municipal cando este se publique no DOG e BOP.
Os populares percorrerán as parroquias ribadenses e explicaranlle aos veciños o recen aprobado plan. Ditas xuntanzas comezarán tan pronto coma o documento estea publicado no Diario Oficial de Galicia e no Boletín Oficial da Provincia.
López Penabad lembra aos veciños que a sede dos populares en Ribadeo estará aberta para calquera dúbida ou consulta tódolos mércores de 19.30 a 21.30 horas.