Este novo clube partiu dunha afección común entre pais que tiñan aos seus respectivos fillos xa dentro da sección de atletismo de nenos, e pouco a pouco foise forxando a idea de formar un clube propio adherido ás propias escolas, nun principio formado por estes pais e pouco a pouco coa incorporación de novos membros (sen fillos nas ED) que se foron animando a formar parte desta iniciativa. Son na actualidade 25 membros, coa esperanza de acadar un número cada vez maior, e a súa máxima é practicar o deporte que lles gusta, transmitir aos nen@s a posibilidade de desfrutar cunha actividade deportiva, e converter todo isto nun “acto social”.
A presentación tivo lugar este venres no salón de actos do Concello de Lourenzá coa presenza da alcaldesa, Emma Alvarez Chao, compañeira ademais de equipo, e do presidente das Escolas Deportivas Lourenzá-Mondoñedo. Ademáis estiveron presentes os principais patrocinadores da sección, e posteriormente acudiuse ó bar Morrigan, onde os agardaban uns pinchos.