Club Deportivo “Marqués de Casariego” de Tapia chega ao final das súas xornadas de montaña polo 25 Aniversario do noso club. Entre este venres e o sábado ofrecerán cadansúa conferencia o presentador do programa “Mochileros” da TPA, Camilo Sousa, e o único alpinista no mundo que escalou 9 montañas de máis de 8.000 metros despois de cumprir os 60 anos, Carlos Soria. O primeiro falará do “Futuro de la montaña asturiana, relevo generacional” o venres a partir das 20.00 horas, mentres que o segundo participará nas xornadas o sábado, a partir da mesma hora, para falar sobre “El alpinismo después de los 70”.