Dentro dos actos conmemorativos do Día para a eliminación da violencia contra as mulleres, o Concello de Ribadeo e a Área de Cultura da Deputación de Lugo, coa colaboración de ACISA, presentan o ESCAPÁRATE DE XÉNERO do GRUPO CHÉVERE, en catro comercios da vila este domingo 16 de novembro. Ás 12.00 horas, “Retratos de Mulleres: Miriam” en Tu & Tu (rúa Rodríguez Murias, 10); ás 12.30 horas, “Retratos de Mulleres: Lola” en La Moda Sport (rúa Reinante, 5); ás 13.00 horas, “Retratos de Mulleres: Yeni” en ANAIS MODA (rúa Reinante 16); e ás 13.30 horas LUGARES COMÚNS en PETITE TOE (rúa San Francisco, 20).
