18 de decembro de 2014.- A Comisión de Sanidade do Parlamento Galego trata este venres a partir das 10:30 unha bateria de preguntas presentada polo BNG a través do deputado por Lugo, Cosme Pombo e a deputada Montse Prado, responsábel de sanidade, en relación a instrucións da EOXI Lugo aos centros de Saúde.
Con esta iniciativa trátase de aclarar a derivación de doentes da comarca da Mariña e doutras comarcas da provincia a un centro privado para realizar determinadas probas diagnósticas pola ausencia dunha equipa de resonancia magnética estábel na comarca.
Ademais preguntarase polas intencións do SERGAS en relación á falta de cobertura de prazas médicas nos centros de atención primaria de Cervo, Xove, Ribadeo e Riotorto.