Continuando cos debates políticos no programa “Parolando” de Radio Burela, o pasado xoves, día 4, falouse sobre a posibilidade de modificar a actual Constitución Española. Estiveron presentes políticos de varios signos: Vidal Martínez Sierra (do PP), Iván Marrube (de Compromiso por Galicia), David Lareo e Raúl Lareo (de PODEMOS) e Ana Ermida (BNG). Trataron diversos artigos da Constitución que merecían ser cambiados: o referido á sucesión na Coroa, o famoso 135 relativo á financiación, os que teñen que ver coa inmunidade dos políticos e a posible supresión de organismos políticos como o Senado ou as Deputacións provinciais.
