Este sábado 20 de decembro, comezando cos actos de Nadal en Alfoz, os rapaces de 6º Curso do Colexio Número 1 de Foz, dirixidos pola profesora Montse Blanco, representaron na Casa da Cultura de Alfoz a obra titulada “Unha Cincenta do século XXI”. Na representación estiveron tamén axudados por seis rapaces do Grupo de Teatro Xuvenil “A Maseira”, de Alfoz e O Valadouro. O Salón de Actos estivo case cheo, tanto por xente de Alfoz como por xente de Foz. Foi unha divertida actualización do conto da “Cincenta”, cun argumento adaptado á nosa época.
