Alcoa anunciou a súa intención de iniciar un período formal de consultas cos comités de empresa das súas fábricas de Avilés e da Coruña para un procedemento de despedimento colectivo, tralo resultado de poxa de servizos de interrumpibilidade para grandes consumidores industriais organizada polo operador do sistema eléctrico español.
Alcoa non puido conseguir nesta poxa, celebrada durante a semana do 17 de novembro en Madrid, suficientes servizos de interrumpibilidade para as súas fábricas. A falta de servizos de interrumpibilidade, xunto a unha tecnoloxía menos eficiente e unha menor capacidade produtiva, fan que as fábricas de Avilés e A Coruña non poidan producir aluminio a un prezo competitivo.
Durante o período de consultas, Alcoa estará aberta a estudar as oportunidades e opcións concretas que se presenten, como a celebración dunha segunda poxa, pero debe xestionar a situación existente a data de hoxe tralos resultados da poxa.
Durante o período de consultas cos representantes dos traballadores, que ten unha duración máxima de 30 días, Alcoa ten o compromiso de traballar para minimizar o impacto do seu resultado, tanto nos empregados como nas comunidades locais.
“Os nosos empregados esforzáronse ao máximo para mellorar a competitividade das nosas fábricas. Somos conscientes de que este proceso xera incertezas”, afirmou Rosa García Piñeiro, presidenta de Alcoa España. “Tamén recoñecemos e apreciamos o apoio tanto do Goberno central como dos Gobernos autonómicos e continuaremos traballando coas autoridades, empregados, sindicatos e outros representantes da comunidade durante este proceso”.
Achega de Alcoa
Alcoa, líder mundial en produción, enxeñería e tecnoloxía de metais lixeiros, innova solucións multi-materiais que contribúen ao avance da nosa sociedade. As nosas tecnoloxías aportan melloras ao transporte, desde o automóbil e transporte comercial ao ao aéreo e viaxes espaciais, e mellora os produtos industriais e de electrónica de consumo. Facemos que sexa posible ter edificios intelixentes, envase de alimentos e bebidas sostible, vehículos de defensa de aire, terra e mar de alto rendemento, perforacións de petróleo e gas máis profundas e xeración de enerxía máis eficiente. Fomos pioneros na industria do aluminio fai máis de 125 anos e, hoxe en día os nosos 62.000 empregados en 30 países dan saída a produtos de valor engadido de titanio, níquel e aluminio, e obteñen a mellor bauxita, alúmina e aluminio primario.