O Club Deportivo “Marqués de Casariego” de Tapia remata o ano do seu 25 aniversario co Belén de Picos en Pico de Faro (A Roda) o domingo 14 de decembro. E, como tódolos anos, sairán do parque de Tapia de Casariego ás 10.00 horas para subir camiñando ata o Pico de Faro onde terán posto o seu singular Belén de Picos na compaña dos rapaces do colegio EDES del Cabiyón. Ademais, ó finalizar, volverán a Tapia para celebrar a comida de despedida do ano todos xuntos no Mesón “El Puerto”. Os interesados poden inscribirse ata o venres 12 a través dos teléfonos 689 175 515 (José Luis), 608 540 828 (Eva) e 659 000 707 (Javi). O prezo da comida será de 11 euros e inclúe un menú con caldo con compango, tenreira asada con patatas e guarnición, arroz con leite, auga, viño e café.