Lugo, 17 de decembro de 2014.- A voceira do PP na Deputación de Lugo, Elena Candia, denunciou esta mañá que pasou o prazo regulamentario para que Gómez Besteiro dea resposta ás preguntas formuladas polo grupo provincial popular sobre a Operación Pulpo e a xestión do programa KM0 pero sen embargo este continúa sen dar contestación.
“Esta negativa de Gómez Besteiro, de aclarar dúbidas tanto á oposición coma aos cidadáns, é un claro insulto do Secretario Xeral do PSdeG e presidente da Deputación a tódolos lucenses”- denuncia a popular.
Elena Candia afirmou que os populares están moi preocupados por este tema debido ás consecuencias que esta investigación xudicial pode ter finalmente para o Organismo Provincial.
Candia insiste en que Besteiro continúa incumprindo a súa palabra e conclúe denunciando a súa tónica denominante, que se basea en poñer excusas para evitar responder, algo que aos populares, lles preocupa.