Compromiso Lugo vén de cualificar como “moi malos” os datos do paro da comarca da Mariña que foron publicados no día de onte. Según o membro da executiva nacional, o alfocense Iván Marrube, explica que “xa non só estamos a falar dun incremento de 242 persoas máis no paro en relación ao mes anterior, se nón que comprobamos na realidade que non existe tal cambio de tendencia como di e repite Feijóo e o PP. Os datos do paro apuntan a un total de 5.035 persoas sen emprego no conxunto dos concellos da Mariña”.
Marrube entende que “logo de anos de austeridade de Feijóo e de reformas laborais, estamos vendo como esta políca só crea traballos temporais e precarios e destrúese o resto. Na actualidade, ter traballo non é garante de estar fóra de risco de pobreza exclusión social, o que é moi grave”. “Estas circunstancias poñen en evidencia a desastrosa xestión do goberno de Feijóo ante o principal problema da cidadanía na actualidade, xa que dende que Alberto Núñez Feijóo goberna, uns 50.000 galegos e galegas pasaron a estar rexistrados nas listas do paro, e os datos da provincia non son moito máis alentadores”.
DATOS DESEMPREGO NOS CONCELLOS DA MARIÑA. NÚMEROS ABSOLUTOS
Outubro 2014: 4.793
Novembro 2014: 5.035