O Durán Maquinaria Lourenzá mantense líder da Liga Regular da Primeira División Nacional de Baloncesto con 19 puntos tras 10 xornadas. As laurentinas suman un punto máis que as inmediatas perseguidoras, o Grupo Deportivo Bosco que ven de perder ante Filipenses e abandonando o coliderato do grupo.
Se o domingo 14 de decembro o Durán Maquinaria Lourenzá gañaba na casa por 65 – 32 ao Universidade de León; o domingo 21 volvía repetir fazaña fronte ó Ascensores TRESA cun marcador final de 82-64.
A vindeira xornada as laurentinas recibirán ó verdugo do que fora colíder no último encontro, Filipenses, que suman 13 puntos e se sitúan na novena posición da táboa. O encontro disputarase o 11 de xaneiro ás 18.30 horas no Municipal.