Fernández Valle sinalou que “o que estamos facendo é reparar zonas deterioradas para garantir a seguridade e conservar as rúas existentes. Nesta actuación escarificase e aglomerase en quente unha superficie total de 3.120 metros cadrados cun presuposto de 42.746 euros”.
As obras realizaranse durante esta e a próxima semana.
No presuposto do ano 2015 está prevista outra partida similar para continuar con estes traballos de conservación noutras rúas do concello. O edil popular pide desculpas aos veciños de Burela “polas molestias que lles poidamos ocasionar ao longo destas semanas tanto para circular pola vila como para aparcar a algunhas horas do día”.