A Asociación Arroutados de San Ciprián remata a súa campaña de recollida de xoguetes cun máis que notorio éxito, xa que non só recolleron unha boa cantidade de xoguetes, senón que cabe resaltar a calidade dos mesmos. Xoguetes que serán distribuidos por Cruz Vermella Burela entre os fogares dos nen@s que non teñen recursos suficientes. O seu presidente e o seu predecesor destacan “a xenerosidade dos veciños que temos no concello de Cervo, xa que son eles os que fan que a ledicia chegue este Nadal ós nen@s máis necesitados”. O resto de asociacións colaboradoras Veciños Cruz da Venta, Mulleres de San Ciprián, A sombriza, Pasiño a Pasiño e o Concello de Cervo tamén resaltaron o éxito acadado.
